Salta al contenuto principale
valledoria esultanza

Po su mundu de sa bòcia su duamilla e binti at a essi un annu de scaresci impressi, ma su mercau de is giogadoris diletantis torrat a oberri

De una cosa podeus essi segurus: su duamilla e binti at a essi unu annu chi eus a arregodai po unu bellu pagheddu de tempus, po totus is trumentus e is dispraxeris e is pentzamentus legius chi s'at scutu apitzus, mescamente de su mesi de Martzu, candu eus incumentzai a batallai (ballit po is personas de totu su mundu) contras a su tiau de Covid.

Su mudu de sa bòcia puru, dhu sciesus beni, est stetiu ghetau apari de custu dannu e s'est depiu firmai, cumenti est sutzediu, de su restu, a totus is atras fainas e atividadis, partendi de sa scola e arribendi a is teatrus, po nd'arremonai una pariga.

Su mundu de sa bòcia, tocat a nai custu puru, in s'istadi at fatu de totu po sighiri a andai ainnantis e duncas, gràtzias pruschetotu a su traballu e a sa stima po su sport de is presidentis de is scuadras e de totus is dirigentis de is assotzius, is campionaus funt torraus a partiri, cumenti totus bisastus, de su restu, in su mesi de Cabudanni.

Su spassiu, peròu, est durau pagu meda, poita in s'ùrtima cida de su mesi de Ladàmini is de su Guvernu ant torrau a firmai is giogus, po crupa de su spaniamentu de sa mobadia.
Sa cosa chi peròu no funt arrannescius a firmai, e de custu seus prexiaus meda, est s'afròddiu de sa genti: est craru, in dì de oi, chi is campionaus no ant a torrai a partiri allestru (a cantu parit nc'ant a essi torra is agiudus in dinai po is trabballadoris in su mundu de su sport, cumenti sutzediu fintzas a imoi, de su restu) ma sa fentana de su mercau, po is giogadoris diletantis, s'est oberta, cumenti a dònnia annu, ariseu, de martis, sa primu dì de su mesi de Idas, e at a sighiri fintzas a su binti-ses de su mesi de Friàrgiu de su duamilla e bintunu, duus mesis in prus, duncas, de su chi sutzediat is atrus annus. Dhu sciueus: cust'annu funt stetias prus is ciaciarradas apitzus de su virus de is partidas chi eus biu me is campus, ma is tifosus, a su mancu po imoi, si podint spreviai unu pagheddu sighendi is afàrius de is scuadras.


Attività realizzata col contributo della Regione Sardegna. LR 22/2018 art. 22, comma 2. Avviso 2019-2020

In questo articolo
Campionato:
Argomenti:
Stagione:
2020/2021
Tags:
ultimora