Salta al contenuto principale
thiesi
Sa Lanteri de Tatari sighit a curri conca a is play-off

S'Ilvamaddalena circat sa de dexiotu bìncida contras a su Santu Tiadoru, su Thiesi andat a Posada po ndi pinnigai is tres puntus

Su campionau torrat a partiri, a pustis de su domìnigu chentza de bòcia e a pustis de is festas po su Crannavali chi ant allutu sa Sardìnnia in totus custa diis, fintzas de su dexiaseti de gennàrgiu, cun is fogaronis po Santu Antoi chi, cumenti dònnia annu, faint incumentzai is machimis in totu s'isula.
In su girone B de Promozione sa primu de sa lista Ilvamaddalena, cinquantacuatru puntus in totu, arregortus in bintunu bessidas, arricit in domu cosa sua su Santu Tiadoru, chi est sa scuadra ùrtima in sa lista, cun feti tres puntus: is cincuantunu puntus chi ddoi funt in mesu, unu mari mannu meda, no lassant speràntzia, aici parit a su mancu, a is piciocus de mister Celestino Ciarolu, chi ant a aproillai a su “Comunale Pietro Secci”, cumentisisiat, cun su disìgiu de circai de frimai sa cursa de Vuanello e cumpàngius; is biancus-asullus arrubius – brau nd'arribant a pustis de su duus a duus cassau pròpriu a s'urtimu secundu in sa partida contras a is tataresus de sa Lanteri e funt fadendi puntus de doxi cidas de sighiu; s'ùrtima borta chi funt arrutus, difatis, fiat su dexiaseti de su mesi de Donniasantu, in sa batalla de Thiesi contras a is nieddus-birdis sighius de mister GianMario Rassu.
Pròpriu su Thiesi, invécias, est atesu ses puntus de su primu postu ma si ndi depit puru scabulli de sa Lanteri, chi bolit giogai totus is cartas cosa sua in sa cursa po brintai me is play-off: est craru, arribai a su secundu postu de sa lista iat a permiti de giogai sa primu partida in domu, cun duus resultadus apitzus de tres po ndi lompi a sa finalissima. Su Thiesi imoi est traballendi po ndi pesai sa trasferta a Posada: in sa primu partida, su tres de su mesi de Donniassantu de s'annu passau, is nerus-birdi ant bintu po duus a unu, gratzias a is gol de Carlo Pintus e Davide Giovanni Sancis, chi me is ùrtimus cuindixi minudus ant arrespustu a su gol de Fabrizio Murgia.

In questo articolo
Campionato:
Argomenti:
Stagione:
2019/2020
Tags:
Promozione
Girone B