Salta al contenuto principale
Serie D
Sa noa ndi lompit a pustis de s'atobiu de su Consiglio Direttivo de sa LND

Su Coronavirus ghetat su mundu de sa bòcia a fundu in susu: giogus studaus fintzas a su tres de Aprili

A pustis de is detzisiones chi su Guvernu Italianu at pigau, giobia passau, su cincu de martzu, po circai de firmai su spaniamentu de cussu tiau de su COVID-19, prus connotu cun su nomini de 'Coronavirus', puru in Sardinnia ariseu, cumenti in meda atrus logus, nc'est stetiu su primu domìnigu chentza de sa bòcia e chentza de partidas: is tifosus, duncas, funt abarraus a buca asciuta, cumenti a is giogagoris, est craru, cun is sociedadis chi ant sighiu is consillus de su Presidenti del Consiglio, Giuseppe Conte, e de su Ministru della Salute, Roberto Speranza, e ant scerau de firmai totus is fainas, a partiri pròpriu de is allenamentus, una cosa chi ballit po mannus e piticus, po dònnia categoria, partendi de is pipius de is “Pulcini” fintzas a nd'arribai a is primu scuadras. In d-unu primu tempus, pariat chi si podessit giogai a portas serradas, est a nai chentza tifosus, cumenti ant fatu in Trentino, ma sa FIGC Sardinnia, tra is atras, at prefèrriu a ndi studai totus is giogus: nudda de fai, inzandus, fintzas a su cuindixi de su mesi de martzu. Pagu malli, chi pentzaus chi sa dii is campionaus de Promozione, Prima e Seconda Categoria si depiant giai firmai po sa partida de importu tra Macumèrese e Usinese, po sa Coppa Italia de Promozione. Ma est bessida, pròpriu imoi de pagu, a pustis de sa reunioni de su Consiglio Direttivo de sa Lega Nazionale Dilettanti, in Roma, sa noa chi avisat chi totu custu at a bandai a innantis fintzas, a su mancu, a su cenabara de su tres de aprili: funt tropus, difatis, is arriscus a fai atobiai impari sa genti e, pruschetotu, «cun totu su traballu chi nc'est de fai po atendi is mobadius, iat a essi pagu futu meda domandai a is dotoris e a cussus de is ambulanzas de abarrai a sighit una partida de calciu», contat  Cosimo Sibilia, su presidenti de sa Lega Nazionale Dilettanti.


Attività realizzata col contributo della Regione Sardegna. LR 22/2018 art. 22, comma 2. Avviso 2019-2020

In questo articolo
Campionato:
Argomenti:
Stagione:
2019/2020
Tags:
Serie D