Seis bosatrus puru parti de su giogu, is giogadoris ant bisòngiu de sustènniu

Po custu 2018 teneus de fai unu augùriu, a pustis de su 2017, cun is partidas chi teniant, fatu fatu, mancàntzia de pùbricu in campu. In particolari, de sa segunda catègoria a sa sèrie D, c'est una suferèntzia de genti ca si intendit, po is giogadoris, candu ant bisòngiu de sustènniu. Sa genti andat feti (e no sempri) a is partidas de acabu, pensendu ca est cussa sa bìncida po fai festa o sa pèrdida de consolari. Ma est in atrus momentus puru ca is giòvunus tenint bisòngiu de su giustu sustènniu, de presèntzia intèndia e de intèndiri su callentori, prus che totu, de su chi castiant sa partida. Augùraus, duncas, a is famìllias, is amigus e is connoscèntzias de is giogadoris de essiri de prus su domìnigu, e naraus puru ca sky in su televisori no podit sustituiri su spìritu de sa tifoseria in campu, ca donat energia e càrriga meda a sa scoadra. Seis bosatrus puru parti de su giogu.
Bonu 2018, duncas, e a si biri in dònnia campu de Sardinia!