Su futbàlu chi bessiri a in antis de su trèmini

C'est unu sòtziu a Parigi ca dònat speràntzia a is giòvunus chi no tènit su documentu de identidadi e ca funt fuius de sa misèria po cicai una vida mellus in Europa. Beni benius in "Melting Passes", ca literàriu bolit nai passàgiu de unioni. Unu progètu prus ca una scoadra comunu. Cun su futbàlu, unu fini mannu: cumente sa gana de amostari a su mundu una atra faci de unu problema, po cussus ca si difèndint e castiant cun meravìlla meda situatzioni  cumente custa, chi siat beridadi o impròsidu. Custus giòvunus lòmpint de tutu su mundu fintzas innoi po meda arrexonis: su papòngiu, una domu, unu treballu, torrai a cumentzai sa vida. Essiri sentza documentus est castiau cumente unu trèmini mannu, poita ni mancu su cartellinu si podit fai in una scoadra de futbálu. Po custu arribat custa idea, po andai a in antis de una timoria o de unu momentu istòricu difìcili puru po unu giogu impari e sociali, fatu de umanidadi e no diferèntzias.