Salta al contenuto principale
gialeto
Verde Idola e Don Bosco abarrant a is pabas de is arrubius-birdi

Sa Gialeto currit cun bomber Ibba: is serramannesus funt is primus de sa lista e bisant sa Prima Categoria

Apustis de is primus trexi partidas, is serramannesus de sa Gialeto castiant totu is atrus de su primu postu de sa lista, cun trintacincu puntus chi nd'arribant gràtzias a undixi bìncidas e duus paregius; nisciunu, a su mancu fintzas a imoi, nc'est arrannesciu a firmai is campidanesus, chi bollint curri sempri prus a forti puru in sa secunda parti de su campionau.

Is piciocus de mister Diego Mariano Ruggiero, un allenadori argentinu chi bivit in Serramanna, ant fatu corantanoi gol e nd'ant bodditu feti cuatru, unu in prus de cussus arregotus de sa Verde Isola, sa scuadra de Carluforti chi est sa de duus in sa lista, chi contras a is arrubius – birdi, in domu insoru, su dexi de su mesi de dònniasantu, ant paregiau po zero a zero.
Puru cussus de sa Don Bosco de Gùspini, su de tres in sa lista, no ant perdiu mancu una borta e contras a sa Gialeto si funt acuntentaus de unu paregiu po unu a unu, in sa primu bessida de su mesi de Idas.

Funt custas tres scuadras chi s'ant giogai, aici parit, su sartidu in Primu Categoria fintzas a s'urtimu segundu.

Sa Gialeto, chi dominigu passau at bìntu po cuatru a zero contras a s'Atletico Masainas, tenit giogadoris fortis meda: is sorresus Alessio Pes, Pierluigi Pistis e Maurizio Frongia, su portieri Davide Boassa, Alberto Pilloni e Massimo Serafini, unu piciocheddu de su norantotu, in mesu a su campu. Aranti ddoi est unu de is prus becius de sa crica, Alessandro Ibba, chi at giogau in Promozione cun Atletico Narcau e Silìcua, po nd'arremonaui duuas, e po imoi at fatu dexannoi gol.
In sa scuadra giogat puru Federico Ruggiero, su fillu de s'allenadori.

S'afroddiu de Angela Calcagna, chi traballat impari a su Francesco Pilloni Stefano Lisci, Giacomo Dettori e Aurelio Puddu est a is isteddas: totus bisant unu benidori de importu mannu.

In questo articolo
Squadre:
Giocatori:
Campionato:
Argomenti:
Stagione:
2019/2020
Tags:
Seconda Categoria
Girone B