Salta al contenuto principale
pattada esultanza
Is biancu-birdis ant pèrdiu feti una borta contras a sa Polisportiva de Lungone

Girone H: su Patada circat de si ndi fui, su Portu – Santu Paolu de Leonardo Azzena sighit a si dda gherrai

Su Patada donat una bella scutullada de gol a cussus de su Li Maccioni de Santu Tiadoru e abarrat diaici in su primu postu de sa lista, cun trintanoi puntus; sa bìncida de dominigu est sa de doxi in sexi bessidas; is biancu-birdis currint sempri prus a forti e bisant giai su sàrtidu in Prima Categoria. S'allenadori, mister Ferruccio Terrosu, si gosat is giogadas de Marco Arcadu, giai doxi gol in totu, chi est donendi una bella manu de agiudu a is cumpàngius cosa sua, impari a Danilo Deiosso, ses gol, e Giampietro Porcu, cincu gol, tra is prus matucus de sa scuadra, nasciu su cuatru de friàrgiu de su milli e noixentu noranta. Su Patada fintzas a imoi at pèrdiu feti una borta, contras a sa Polisportiva de Lungone, po duus a unu; in s'annu nou funt arribadas duas bìncidas e unu paregiu, su doxi de gennàrgiu, contras a cussus de su Malaspina.

A is pabas de su Patada dhoi est su Portu-Santu Paolu, trintases puntus, tres in mancu de sa primu de sa lista: sa scuadra de Alessio Mario Langiu tenit sa bidea de si dda gherrai fintzas a s'urtimu e poi imui nc est arrannescendi beni, cun undixi bìncidas, s'ùrtima est su cincu a unu fatu in domu de sa Calangianese, tres paregius, cumenti a su Patada, e duas partidas pèrdias: contras a cussus de su Laerru, su bintiduus de su mesi de Idas e, a pustis, contras a su Palau, aranti a is pròprius tifosus.
De is corantacuatru gol fatus fintzas a imui, feti su Monte Alma at fatu mellus, cun corantases gol, sexi portant sa firma de Marco Fideli, chi perou at fatu is urtimus tres contras a su Monte Alma de Nujvi, in sa partida de su cuindixi de su mesi de Idas. Mancu malli che is arrubius tenint un antru giogadori forti meda: seus chistionendi de Leonardo Azzena, chi cun is urtimus tres gol fatus a sa Calangianese est artziau a cuindixi gol in totu.

In questo articolo
Campionato:
Argomenti:
Stagione:
2019/2020
Tags:
Seconda Categoria
Girone H